مظت ذيج الليالي أو رحت عني بعيد
شيصبر الروح كَلي اشلون من بعدك
يلعشت بحنانك صار هاي سنين
يل كلك الي وآنه الك كلك
اريدن كون يمك عمري كله اكَظيه
خيمة انتَ اريدك واكَعد بظلك
ظمني أبين ايدك أو لا تخلي العين
سهرانه تظل محرومة من عندك
كتبت اسمك شعر وأتغزل بطرواك
أفز وأجفل يولفي لو سمعت اسمك
ما اكَدر أعوفك وامشي عنك وين
يل كلك ذهب من راسك الجدمك
خليني أعله بالك خاف تنسه بيوم
إذا رايد خليل احسبني من خلك
حزينه الروح بعدك والكَلب مجروح
يل بلسم صبح لجروحي بس ذكرك
جنت آنه طبيب أو بيدي أداوي الناس
عليل آنه صرت مجروح من هجرك
مريض آنه طحت وانت الطبيب اليوم
داويني بحنانك جرعه من حبــــك
واذا تقبل زماني يشد عليه هموم
هذا الراي بيدك والأمــــــرأمرك
بس آخر كلام وياك أردَ احجيه
واريدنك تقرر واقبل بحكمك
إذا حبك ذنب يتعاقبون عليه
آني أول حبيب أتعاقب بذنبك0
2010-08-01, 9:44 pm
